recent posts

الاثنين، 21 سبتمبر 2015

شعرية السفة بلحم الضلعة

شعرية السفة بلحم الضلعة



شعرية.السفة.بلحم.الضلعة



المقادير مع الطريقة

نديروها فلكسكاس تفور تفويرة الاولى
من بعد ما تفور نوضعو لكسكاس فوق شي سوبيرة
نكب عليها الماء طايب و نولي نرجع عليها الماء نفسو
 نخليها تسقطر
نقلبها فقصرية ندهنها بالزيت نحاولو نفكوها بيدينا
نرجعها للكسكاس تفور التفويرة الثانية
مين تفورنوضعوها مرة ثانية فوق سوبيرة
نكب عليها الماء طايب فنفس الوقت نكب عليها الماء بارد
نقلبها فقصرية نضيف ليها شوية زبدة و الملح
نفكوها مزيان
نرطب شوية الزبيب فالماء من بعد نديروه فقاع الكسكاس
نديرو الشعرية فوقو تفور المرة الثالثة و الاخيرة
ناخد طريفات لحم الضلعىة نشلظ عليه بصلة ملح ابزار
سكينجبير اخرقوم شوية تحميرة زعفران ربيع مقطع نص كاس 
صغير زيت المائدة
نديرو الكل يتقلى فوق نار مهيلة من بعد ما يتقلى
نضيف ليه بصلة شرائح كاس كبير الماء نسد الكوكوط
مين يطيب اللحم نحيد منو لعضيمات
و نزيد المرق عويدات القرفة و معلقة و نص العسل
مين تفور الشعرية التفويرة 3 نقلبها فقصرية نخلطها
مع الزبيب نقسمها على 2
فطبق نضع النصف 1 الشعرية
فوقها المريقة اللي عقدات لينا مع اللحم
ثم نوضعو فوقها النصف 2 الشعرية اللي بقات
التزيين برقوق معسل مقطع بالطول ثمر لوز ايفيلي
ثم تقدم شعرية السفة بلحم الضلعة
نتمنى الطريقة تكون واضحة ومفهومة بالصحة و الراحة






















اعلان 1
اعلان 2

0 التعليقات :

إرسال تعليق

شكرا لكم على الزيارة وعلى التعليق

عربي باي