طورطة فاخرة لأعياد الميلاد للاخت SOUAD ELMIHAMDI
جزيل الشكر لكي اختي على افكارك القيمة
المقادير
الجينواز:
اربع بيضات 120 غرام سنيدة
120 غرام فورص خمارة حمراء
قبصة ملح
الطريقة
كتطرب مزيان حتى تولي كريمي وطيبها في
مول مستطيل عشر دقايق ملي تخرج
نطبع جوج طراف قد قد ونسقي الاول
ونحتفظ بالثاني ونسقيه بسيرو ما و سكر
ثم ندوزو للطبقة الثانية فيها براليني 150غ
لوز محمر فالفران مع 150 غ سكر
نطحنهم حتى تولي عجينة ونزيد عليه 150 غ شكلاط
مذوب و150 غ كورنفلكس مهرمش نخلط كلشي
ونحطو على الجينواز وندوزو للطبقة
الثالثة لاموس شكلاط فيه150غ سنيدة
وأربع ملاعق ماء كنديرهم فوق البوطة
حتى يذوب السكر ويعقاد ونطفي عليه ثم في إناء
كنطرب خمسة صفار بيض ونبقا نزيد عليه
السكر المذاب حتى يولي كريمة ونضيف عليه
400 غ شكلاط مذابة و 400 كريم شونتيي مطربة ونخلط
من الفوق للتحت حتى يتجانس الخليط
ونخويه على الطورطة ونملسو بالملاسة
مزيان باش يجي مسطح ثم الى المجمد
ثلاث ساعات ... بعد ثلاث ساعات كناخذ طبقة
الجينواز الثانية ونحطها عليه ونسقيها
بسيرو ونبدا تحضير اخر طبقة لي فيها رابعة
سنيدة كنحطها فوق النار بدون منلمسها
أبدا الا مسيتيها كتخسر ليك خليه حتى
يذوب كلو ونزولها من فوق البوطة ونخوي
عليها كاس ماء مخلط مع ثلاث ملاعق نيسكافي
ونخوي شوية بشوية مع الحذر لانها تشكل
فقاعات ونرجعها فوق البوطة جوج دقايق ثم
نزولها ونضيف ثلاث بيضات مطربين ونرجعها
مرة اخرى فوق النار ونخليه حتى يعقاد
ونطفي البوطة ونضيف ليها جوج وريقات
جيلاتين مطلوقين فالماء ومعصورين ونصفي
كلشي في صفاية ونخليها حتى تبرد تماما
ونزيدها على 250 غ كريم مخفوقة ونخلط
من تحت للفوق ونضيفها على الكاطو والى
المجمد حتى تجمد تماما ثم خديت پاسطا
على شكل صورة dora ودهنتها بالنباج من
التحت مزيان ولصقتها على الوجه ودهنت
الوجه كذلك وفي التزيين زينت بقطع
الشكلاطة مذوبة على بلاستيك مزكرش وقطعتها
عشوائيا وبالكريم شونتيي من الجوانب
وتحط فالمجمد الى حين الاستهلاك وبالصحة والراحة
0 commentaires :
إرسال تعليق
شكرا لكم على الزيارة وعلى التعليق