ضلعة محمرة فالفران بالصور

ضلعة محمرة فالفران للاخت SOUKAINA

جزيل الشكر لكي اختي 

المقادير

كنحتاجو ضلعة طبعا مغسولة 

مزيان ذهنتها بالملحة وعصير

نص حامضة ; فلحتها بالموس 

باش تذخل معها التشرميلة مزيان

بالنسبة للتشرميلة :

قسبور ومعدنوس + 4 فصوص ثوم محكوكين

وفص ثوم واحد قطعتو بالطول وخشيتو

 فالبلايص المفلوحين ديال الضلعة

 + الكامون + التحميرة + 

الخرقوم +القرفة+ السكنجبير

ملعقة ك السمن + شوية الزيت

 البلدية + شوية الزعتر محكوك فاليد

ملحة + شوية اللبابة الحامض + م.ص معجون طماطم

الطريقة

شرملت الضليعة مزيان بهاذ المكونات 

وخليتها تذخل فيها التشرميلة ساعتين

من بعد قطعت البصلة ودرتها

 فالطنجرة تشحر مع التوابل

وضفت عليها الضلعة تقلات شوية من بعد 

مرقتها وخليتها تطيب علىخاااطرها

ملي طابت الضلعة هزيتها من المرقة

 درتها فالطاوة ذهنتهابالزبدة او 

السمن الي بغيتو وذخلتها الفران تحمر

من بعد زوقتها بالخص و قطع الكبدة

 مقلية وطبعا كل واحد حسب ذوقو 

 صافي وقدمتها بالصحة و الراحة ..