البتي فور الناعم

البتي فور الناعم بكيس التزيين من مطبخ الشيف مونى

المكونات:

4 كوب دقيق

2 كوب زبدة طرية

3 بيضات

كوب وربع سكر بودرة

فانيليا

2 ملعقة صغيرة كاكاو للتلوين

الطريقة:

فى اناء هنحط الزبدة

ونضربها بالمضرب لغاية مايبقى لونها ابيض

ونضيفلها السكر بودرة

ونضربهم بالمضرب ونضيفلهم البيض والفانيليا

ونضربهم لغاية مايختفى البيض

واخر حاجة نضيفلهم الدقيق المنخول

ونقلب المكونات بالمعلقة او نعجن بايدينا لغاية ماتمتزج

وهنلاقى العجينة لينة وبتلصق فى الايد ممكن نشتغل

 بيها على طول وممكن نحطها شوية فى التلاجة حسب رغبتكم

وناخد نص كمية العجينة نضيفلها الكاكاو عشان نلونها

ونعجنها لغاية ماتتكون كلها

وفيه ناس بتحب تحط بيكنج بودر لمكونات

 البتيفور انا جربت الطريقتين واخترت اللى من غير بيكنج

بودر هش وشكله مش بيتغير فى الفرن وطبعا انتوا اختاروا 

اللى يريحكم وهنحط العجينة فى كيس التزيين عشان نشكل البتي فور

ونشكل البتيفور على ورق خبز وصوانى مدهونة وفيه ناس

ممكن تقول كتير 2 كوب زبدة على ارع كوبايات دقيق احنا قلنا

 فى الاول البتيفور ده ناعم ورغم كده فيه ناس بتكتر

 الزبدة عن 2 كوب لو هتعمل اربع كوبايات دقيق

والابيض زينته بجزء من الكاكاو والكاكاو زينته بجزء من 

الابيض والتزيين ده حسب رغبتكم مثلا فيه ناس بتحب تحط كريز

وهندخله فرن حرارته متوسطة لغاية مايستوى

 يحمر من تحت بس ومن فوق يفضل لونه زى ماهو
هيبقى لون الضهر

وده شكله بعد ماخرج من الفرن